馬：馬賽 記：記者
記：依家心情點樣？
馬：（一臉戰戰兢兢）平復咗好多，但講真，今日出嚟都係好緊張。其實，首先想講番當時係傳媒面前造成一個壞嘅影響，因為當日出咗個報道，我又驚又緊張，唔知點去應對，所以喺咁嘅情況下，用咗唔恰當嘅態度同語言去形容呢件事，同埋我怕講咗出嚟，會令到屋企人擔心或者傷心，我都諗唔到造成咁大嘅風波。
（開始哽咽）經過咗一個月，自己反省好多，周圍嘅人都叫我諗清楚、睇清楚、聽清楚，有諗自己想要啲咩。（談到此時淚水狂湧）我知道自己好任性……亦都係硬頸，做咗啲行為令周圍嘅人傷心同擔心，傷害咗好多人，傷害咗屋企人，亦都傷害咗自己，特別係傷害咗我媽咪，令佢憂心，亦令公司造成壞嘅影響……我依家好清楚自己想要咩，我只係好想重新可以做番我嘅工作，所有嘅嘢都已經過去咗，結束咗！
同汪子琦已結束
記：已經同汪子琦結束關係？
馬：（語氣肯定）所有啲嘢都已經過去咗，我放低咗一切，依家只想重新可以做番自己工作。
記：抑或將感情轉為低調發展？
馬：（不假思索即答）結束咗啦！呢個月我諗咗好多，好多行為都係我自己處理不當，任性！
記：覺唔覺得有人有心計算你？
馬：（支吾以對並再次哽咽）嗯……對於呢個幾月發生啲嘢，我放低咗。唔想評論任何人、任何事，依家淨係想可以畀心機工作。（說時似觸及痛處，眼淚隨即決堤）希望公司可以畀機會，同埋大家可以畀機會我……
記：咁傷心因為投入咗好多真感情？
馬：（想了數秒）所有嘢已經過咗去，我唔想再講番轉頭，只係希望可以Pick up番我嘅生活。我真係諗清楚，咩係想要嘅、咩係真係適合我嘅。我有好多處理唔成熟，唔恰當嘅地方。
記：例如有咩覺得自己唔成熟或者唔恰當？
馬：成個事情發展，我覺得非常對唔住屋企人，所有報道同評論牽涉到佢哋，（眼淚再次決堤）我覺得令到……（泣不成聲）令到阿媽咁傷心，我唔孝順。自己喺公眾場合嘅行為都唔恰當。
記：屋企人唔接受同性戀？
馬：（口震震）我唔想去Comment呢段感情，或者發生嘅任何嘢，但係所有嘅嘢已經過去咗。希望大家畀機會、公司可以畀機會，希望大家可以睇到我努力工作……（再次泣不成聲）可以……可以支持我重新開始。
記：同汪子琦講清楚分手？
馬：已經結束咗啦！
記：會唔會又傷害咗佢？感情啱啱開始，佢認真？
馬：呢段感情，我覺得……呢段行為傷害咗公司、朋友、傷害我自己，我覺得最大嘅係傷害咗屋企人。所以我諗得好清楚自己想要咩。
記：一開始投入呢段感情嘅原因？
馬：對於所有報道、人哋講咩嘢，我冇評論。（語氣愈趨堅定）但係我並唔係人哋口中講嘅貪錢，我鍾意嘅嘢，我有能力賺錢去買，我屋企人亦都有能力去Support我！
記：有冇因為太大壓力，諗過退出娛樂圈？
馬：呢段時間的確承受咗大壓力……（語帶哭腔，停頓數秒始平復）唔單止我一個人承受壓力，成個屋企都承受好大壓大。
（哽咽聲未止）相信經過咗咁多嘢，一定同以前唔同啦！但係呢件事之後，我見到身邊有好多朋友真心支持我，有個好朋友同我講，只要你係善良嘅，你就唔使擔心，個天一定會保佑你。所以……（停頓三秒）重新開始啦！
記：咁係咪有排都唔會再拍拖？
馬：（聲調變得低沉）唔敢去諗！我只係想好好工作。（眼淚再次失控狂標）我對媽咪唔住……我最愛都係我屋企人。
記：點解放低呢段感情？有冇諗過勇敢面對？同汪子琦嘅感情已經處理晒？
馬：（態度平靜）放低咗啦！
記：佢接受分手？
馬：我只係想過好自己嘅生活同工作。
記：同汪子琦仲係朋友？如果佢開戲，你仲會唔會接？
馬：其實套戲一直都係公司幫我傾，同我個人無關。至於呢套戲會唔會再拍，留番畀公司決定。
記：仲係朋友？
馬：（語帶猶豫）我諗大家都係朋友，都希望佢好。
記：對於Laura Lee嘅言論有咩想法？
馬：（態度肯定）對於人哋言論冇任何Comment。
記：對於賭錢報道呢？
馬：（無奈地）我係冇賭錢嘅，只係陪朋友去！
真愛無分性別
記：會唔會抗拒同性戀愛？
馬：我尊重一切嘅真愛，真愛係不分性別、年齡同階級。
記：係唔係介意人哋點睇所以放低？
馬：（快速回答）唔關人哋事！係自己選擇，只要係冇目的嘅真愛，每個人選擇嘅方式都係值得尊重。
記：因為之後嘅感情變得有目的，所以接受唔到先放低？
馬：（顯得不知所措）唔係，其實……（含糊其詞達三秒）其實過去就過去，啱就啱、唔啱就唔啱，我冇Comment，亦都唔想Comment別人，或者Comment呢段感情。
記：放棄感情同屋企人有關？
馬：佢哋一路都好支持我、包容我、鼓勵我。係我自己唔成熟、任性，由細到大，屋企人都將我保護得好好，冇經歷過大風浪，經過呢件事，自己成長咗好多。
記：同性戀呢條路難行？
馬：唔關事，結束就係結束，我諗得好清楚。
記：依家出番嚟做嘢有冇問題？
馬：（變得緊張並欲哭又止）成個月都緊張，但係一個過程，我可以行番出嚟嘅。
記：怕唔怕影響形象？之後演藝條路難行？
馬：從來唔諗呢啲嘢，但都已經傷害咗屋企人嘅形象，我覺得自己都唔會好得去邊，以後會小心言行。
相關新聞
哭求翻身馬賽攣情斬纜
馬母反對同性戀爆女兒想過死
傳做小三驚爆斷背情
樂易玲傍住提早「解凍」 明日復出做《東華》
是日精選
佘詩曼天生橫財命最勁贏過60萬
哭求翻身馬賽攣情斬纜
馬母反對同性戀爆女兒想過死
親手為Aiden剪臍帶 陳豪六度讚愛兒好靚
廖碧兒拒打電話送祝福
徐子珊否認 妒忌細細粒
區文詩靠一夜情搵男友
遺傳大眼高鼻濃密頭髮 吳彥祖寶貝女萌樣勁Cute
十二星壓陣 玉帝發哥持劍保衞天宮
人物︰林嘉華—為甚麼我站出來
筍盤擇偶如揀生果 馬國明細訴夢中10女神
章子怡︰感情事冷暖自知
鍾舒漫莊思敏「情敵」碰頭姊妹相稱
洪卓立承認視湯怡終身伴侶
巫啟賢加盟英皇鄭俊弘獲邀過檔
[轉貼] 哭求翻身馬賽攣情斬纜
沒有留言:
張貼留言