Cool魔失視帝得民心

【晴報專訊】《萬千星輝頒獎典禮2013》各獎項昨晚塵埃落定，賽果令人大感意外，主要獎項由三個劇集：《衝上雲霄II》、《巨輪》及《My盛Lady》瓜分。一直是視帝大熱的張智霖（Chilam），最終「坐歪」奪得「最受歡迎電視男角色」。

「Cool魔」視帝夢碎，由黃子華以黑馬姿態封帝，張智霖其後上台接受全民投票的「最受歡迎電視男角色」獎時，難掩失落表情，他更在台上暗諷表示：「咁係唔係TVB唔鍾意我，係全民投票先攞獎。其實親生仔固然可愛，有一種仔女更可愛，就係你有需要時佢就會出現，呢種叫義氣仔女。」

頒獎禮結束後，Chilam與田蕊妮等即時接受《東張西望》訪問，Chilam笑說：「我始終都係輸咗畀老婆。每一個對手都好強，能夠得獎已覺得非常幸運，多謝粉絲投票，我係代表佢哋攞獎。」而大批粉絲一早在無綫門外守候，並表示會跟Chilam切蛋糕和開香檳慶祝。

鎮宇神秘現身空手回

Chilam太太袁詠儀（靚靚）昨晚在微博留言呵番：「你今晚很帥、很帥！能得到觀眾的喜歡、欣賞，應該是當演員需要的，感恩！」

吳鎮宇昨晚從外地趕返港出席頒獎禮，可惜他與Chilam一同失落視帝，鎮宇卻表示滿意賽果：「每個人都有自己缺點同原因。」頒獎禮後，樂易玲與曾勵珍都攬着鎮宇示好。

採訪：Pauline

撰文：林常恩

攝影：Lego（部分）

編輯：陳禮恒

[轉貼] Cool魔失視帝得民心