越 南 新 娘 包 處 女 走 佬 可 以 換 一 個

「越南新娘四大保證；保證處女；保證三個月內娶回；保證不加價；保證一年內跑掉包換一位」。中港兩地婚介公司，近年極力推銷越南新娘，《蘋果》記者在越南及本港直擊買賣越南新娘過程，港男可以免費任睇辦，只要揀啱，越女一個月內速遞到港。






「越南政府家法例嚴咗，越南中介公司好小心怕被拉，轉走地下形式」。記者到越南胡志明市，找到熟悉婚介運作的華僑阿得，他說近年政府禁止買賣越南新娘，違者最高可判監20年，但越南中介公司為了每次最少10%的介紹費，仍不惜冒險偷偷營運。中介公司首先會到農村鄉間物色想嫁到國外的少女，再以到城市打工作藉口，帶她們到市內安排入住一間小屋，然後進行越洋相睇。 





越女愛嫁港人，希望嫁到國外改變命運。資料圖片



中介人蘇先生表示，迎娶越南新娘的港人大部份是五十幾歲的中年人。





硬銷越南女錫老公

阿得補充，即使外國人要在越南娶妻，亦要通過政府設立的重重關卡，包括調查兩人的溝通、年紀差別、外貌相襯度等，防止有人假結婚，「不過這些關卡只要有錢就可以打通，娶一個越南新娘至少8千元美金(約6萬多港元)」。
記者聯絡到在港專做越港婚介的莊女士，她甫與記者見面即硬銷娶越南新娘的好處：「佢哋好聽話，越南新娘開放自由，好識得錫老公；北越新娘保守傳統，純樸勤勞，肯同老公捱。香港嘅女仔喺呢方面無得比」。從事婚介五年多的莊女士，日前帶同兩名剛從越南來港的少女讓記者「睇辦」，務求在兩星期旅遊簽證期滿前將其嫁出。「你可以帶返去屋企見父母，拖下手仔都得，但唔可以做其他嘢(指上床)」。她哈哈大笑說：「佢哋乜都唔識，未拍過拖，人家仲係女仔嚟㗎！」 





婚介公司刊登越南新娘廣告，內地人收費20萬人民幣;港人相睇不收分文。



推銷
婚介人(右)將待嫁越南少女相片給港男揀選。





　 





揀相
港男睇相選中心儀對象後，中介人會在一個月內速遞少女來港相睇。




相睇
婚介人(右)帶同越女與港男相睇，合則便三個月可迎娶回家。





未出嫁先孭一身債

不過莊女士坦言越南少女未嫁來港，先要背上一屁股債。「越南貪官多，申請每種證明文件都要畀黑錢，特別係單身證明書，要畀好多錢行賄；所以正常程序僅須幾千元港幣的手續費，最後都要再畀成萬蚊（港元）疏通」。
目前全港約有10多個越港婚介公司，其中自稱對本港婚介市場瞭如指掌的阿蘇表示：「肯娶越南新娘嘅港男都係50歲以上。30至40歲就返大陸娶北姑；30歲以下就喺香港慢慢揀」。他拿出多張越南新娘的相片給記者挑選，「成功與否，不收分文。你睇啱，我哋會安排佢哋一個月內嚟香港見面」。原來費用全由女方支付，包機票食宿及各種證件，若成功越女須付約7萬港元，嫁後債務會轉到老公身上，阿蘇補充：「做人老公幫老婆還債好閒啫！」

http://hk.apple.nextmedia.com/news/art/20120530/16381479 [轉貼]越 南 新 娘 包 處 女 　 走 佬 可 以 換 一 個