香港一家小型科技公司，有人偷拍老闆與員工會面講數、炒人的經過，在IT界熱議，以下是行內人李勁華對事件的整理和分析。
不厭其煩地睇晒四段片, 堪稱奇人奇事 - 懶人總結:
1.呢位老闆, 開了間公司, 主要「業務」係幫friend免費用Magento整website, 因為搵唔到生意, 所以一路蝕錢, 令說好的加人工同Bonus都沒有兌現.
2.僱員合約定明不能接freelance, 但口頭協議是如接freelance可向公司申報, 可接受同公司無業務衝突的job.
3.做Developer的伙計, 有老婆有兩子女有供樓, 萬五蚊人工(都幾佩服佢), 接左三單freelance, 同樣係Magento site, 因為報價俾老闆的朋友, 又用了公司的客做reference, 因而東窗事發.
4.伙計聲稱八個月來晚晚十點, freelance就返屋企先做, 冇用公司code或公司資源. 但老闆認為佢用公司時間同公司資源做freelance, 成為另一主要爭拗點, 全程粗口鬧爆.
5.老闆要求伙計將freelance的收入共萬四至萬五蚊(亦可能係每單, 冇講清楚)嘔出黎俾公司, 否則即時解僱兼告上法庭.
6.伙計猶疑良久, 決定唔會嘔錢出黎, 老闆一大輪叉腰爆粗擺款後, 伙計即時被解僱, 睇佢氣勢仲以為佢係百億上市公司高層咁巴之閉.
7.呢位老闆開口埋口「你知我咩背境」, 但係又全場律師/警察標童上身, 隔幾分鐘又話民事刑事都會起訴, 多次表示「CID同商業罪案調查科會搵你協助調查」, 又話你案情嚴重, 又要坐監又剩, 十足玩緊少年警訊煮飯仔遊戲.
8.呢個人開口埋口都話我係老闆(驚死冇人知?), 又當間公司唔知乜野大企業咁馨香, 實在非常非常之滑稽.
9.另一位Part-time女員工, 不知因何借出銀行戶口協助秘撈伙計收錢(又一奇事), 老闆又兇佢話罪名等同洗黑錢, 而又話洗黑錢最大罪係戶口持有人云云, 又係話「你知我咩背境」、「CID同商業罪案調查科會搵你協助調查」etc etc. (大佬你當人地呃左你幾千個呀?萬幾蚊去小額錢債審裁處啦), 女員工又係即時被解僱, 但係佢完全唔驚亦唔志在, 仲一面傾一面喳住支野飲.
10.又不知為何, 同兩位員工的對話, 都被古惑偷拍鏡所攝, 仲要放埋上Youtube. 而老闆亦多次在對談中開晒公司全名同自己英文名, 完全冇諗過自己會瀨野.
個案一
「永林科技」Hi Hi無良老闆炒人偷拍發窮惡！Part 1
http://www.youtube.com/watch?v=wPVG_-y67wc&feature=player_embedded#!
「永林科技」Hi Hi無良老闆炒人偷拍發窮惡！Part 2
http://www.youtube.com/watch?v=iyr8t7Ya_0Q
個案二
「永林科技」Hi Hi無良老闆炒人偷拍發窮惡！Part 3
http://www.youtube.com/watch?v=MunyMMXkzcw
「永林科技」Hi Hi無良老闆炒人偷拍片發窮惡！Part 4
http://www.youtube.com/watch?v=dDTsag5EVOw
[轉貼] 「永林科技」HiHi無良老闆炒人偷拍發窮惡！
沒有留言:
張貼留言