苗僑偉於劇集《雷霆掃毒》中飾演一名掃毒組警員，雖然演變成「黑警」，但都只是為兄弟、重情義，三哥坦言角色亦正亦邪，夠晒人性化：「現實中一定會有貪念，不過睇吓多定少啫！」劇中甚多動作場口，他說：「呢部可以話TVB咁多年嚟最揼本嘅時裝片，當中好多槍戰、爆破場面，（全部親身上陣？）自己應付得嚟都會自己做，應付唔到咪搵替身。」
三嫂復出視乎劇本
說到三嫂（戚美珍）經常探班是否怕他太搏命會受傷？苗僑偉笑言：「唔係！佢係想融合吓我嘅工作！拍呢啲梗有動作場口，個個演員都辛苦，不過都幾好玩，辛苦都係值得嘅。」至於三哥有否想過夫妻檔合作拍劇？他說：「唔會一齊拍，兩夫妻一齊拍劇我覺得好尷尬，觀眾亦唔想睇我哋耍花槍，（三嫂有冇諗過復出拍劇？）視乎有冇劇啱佢。」
此外，三哥每年只替無綫拍一部劇集，他謙稱不是小生，不是甚麼都適合拍，又謂：「都要揀啲啱我年紀先做，（揀啲型爆角色？）又唔係嘅！」
文：影視組
[轉貼] 苗僑偉謝絕夫妻檔拍劇 / 苗僑偉 黑 警 / 黑警
沒有留言:
張貼留言