【明報專訊】社民連「長毛」梁國雄，噚日喺福利事務委員會公聽會上，講到政府嘅長者生活津貼，憶起去世嘅媽媽時不禁激動，眼泛淚光，片段被網友瘋傳。長毛批評當年工聯會轉軚唔撐公積金方案，叫大家「有爛橙食住先」，令唔少老人家得唔到保障，包括佢身為工聯會會員嘅媽媽，「佢打咗成世工，就係等你哋……如果唔係，佢唔使2003年喺增城死啦！我冇本事養佢呀嘛！要我簽衰仔紙（才可領綜援）呀嘛！」
愈講愈激 拍枱大鬧
長毛愈講愈激動，仲拍埋枱大鬧，話當年港督彭定康提公積金方案，被港澳辦前副主任陳佐洱話「車毁人亡」。但全民退保拖到家陣回歸咗10幾年都未做，「點解啲人要高舉啲英國旗呀？就係你呢班讒臣囉！班老人家家仲要捱餓呀！仲有我媽咁含恨而終呀！」長毛鬧到火起，燒埋民建聯，話佢哋搞工會但又唔係做工會嘅工作。長毛激動到收唔到口，向來冷言冷語嘅民建聯譚耀宗就爆咗句﹕「你唔養你阿媽，唔關我哋事。」
[轉貼] 長毛含淚憶亡母 公聽會談長津
沒有留言:
張貼留言