城巴司機昏迷 80後雙雄救車

【太陽報專訊】「巴士雙雄」生死時速三分鐘勇救全車人。昨日凌晨一輛從荃灣開出的過海城巴，駛入實施單管雙程行車的西隧管道，車長突全身抽筋暈倒，差點要跌出駕駛位，巴士如無人駕駛失控向左「片」及擦壆前行，隨時車毀人亡，危急關頭，下層兩名80後青年奮身救車及救人，將車長抬到走廊後，又在滿布按鈕的錶板前「尋找」煞車掣，最終成功「篤正」死火掣，將巴士煞停，結束驚心動魄的三分鐘，而上層五名乘客亦衝落下層，有人圖嗌醒司機，有人報警，最終見全車化險為夷，才舒了一口氣，車長送院治療，意外中無乘客受傷、亦無殃及其他車。

兩名英勇乘客分別姓袁（三十一歲）及姓陳（二十六歲），袁從事時裝廣告設計，每日均會乘搭城巴930回家。陳則從事產品設計，放工後會從沙咀道車站登車回家。暈倒城巴車長姓岑（五十五歲），住屯門，據知今年年初入職任車長，駕駛來往荃灣碼頭至金鐘的城巴930號線，上周一（本月一日）曾休假，有患病紀錄。

昨日凌晨接近一時，岑駕駛尾班車從荃灣西站總站出發，駛入西區海底隧道時，全車共七名男乘客，五人在上層，陳及袁則在下層座位，其中袁坐在車門後第二排座位。當城巴駛入西隧管道中段時突收慢，據袁憶述：「當時我坐喺落車門後排，見個司機突然向左擺，就嚟跌出嚟，成個人震晒，於是大叫『司機暈咗』！當時巴士車速大約每小時二十至三十公里，向左擦壆行咗六米，我頭三秒都幾驚，都衝出去錶板搵死火燈，但搵極都搵唔到。」同在下層的姓陳青年聞訊起身增援，兩人處變不驚，合力將司機抬出走廊。

當時因單管雙程行車，而對面線亦有車輛駛至，險象環生。袁稱：「好彩司機已經鬆腳，又冇車經過，又好彩架巴士係向左擺，而唔係向右擺，如果唔係隨時有車撞埋嚟就死硬……」另一邊廂，陳一邊捉緊軚盤，穩定行車方向同時嘗試將車煞停。據陳稱：「聽到有人嗌司機暈咗，我即刻衝出去捉住個軚盤，但因為太多掣，我唔識操作，搵唔到死火燈，當時最希望司機冇事。佢當時仲有呼吸，好彩最後喺軚盤旁邊見到有個Label寫住係死火掣，即刻撳停部車。」

當時，上層五個男人亦衝落下層了解，由車長暈倒及煞停車，全程約三分鐘，其後有其他乘客致電報警；有人試圖喚醒昏迷車長，也有人在停車後跳車先離去。袁事後稱：「雖然大家都唔識，但出奇合拍，好鎮定，有人試下嗌醒司機，後面又有人報警，好彩最後都冇事，我今朝起身都覺得執番身彩。」其後，警方及救護車接報趕至，將車長送院救治，幸抵院時已甦醒，兩名勇士則悄然而退。昨日兩人對出手救人救車表現謙虛，婉拒「英雄照」見報，又表示「只是本能反應，係人都會咁做，攞唔攞表揚無所謂」。

城巴指昨凌晨一時已獲通知，有車長在行駛期間不適，目前仍留院觀察。目前新入職車長須要通過體檢，五十歲或以上的車長每年都必須體檢。

[轉貼] 城巴司機昏迷 80後雙雄救車