阿澤曾鬧阿Sa八婆

【太陽報專訊】蔡卓妍（Sa）與杜汶澤在英皇電影《超級經理人》合作甚有默契，但原來二人多年前是「世仇」。阿澤憶述當年阿Sa與鄭中基拍拖，有次鄭中基到他家喝酒，阿Sa整晚不停致電令他不勝其煩：「咁我飲多咗少少酒，咪搶咗部電話嚟聽叫佢做八婆！」阿Sa表示自此十分憎恨對方，直至有次他們一起到外地工作，阿澤主動道歉才原諒他。對於有傳阿Sa與男友陳偉霆同居，經理人霍汶希否認：「佢哋只係住埋同一區，絕對冇結婚計劃，希望大家唔好誤會。」

另外，有傳陳靜（DaDa）退出幕前，杜汶澤和彭浩翔有份游說，對此阿澤說：「我只搵過施念慈同陳靜一齊出嚟傾，希望和解件事。點知陳靜話唔需要我幫，咁作為朋友都無謂多事。而彭浩翔同施念慈相識多年，相信亦唔會咁樣去害朋友。」而導演錢國偉昨日出席曾志偉的拉麵店開幕活動，問到《喜愛夜蒲3》會否換角？他直言還未決定，起初設計陳靜的角色是個延續：「依家佢唔參加咪惟有刪咗佢，估計成個戲份佔四分一。（有冇搵過陳靜？）冇，不過施念慈話會有通告發表。」他又指會否控告陳靜交由電影公司處理。

太陽報
[轉貼] 阿澤曾鬧阿Sa八婆