Eason又寸叫囂粉絲

【太陽報專訊】之前於演唱會上鬧粉絲的陳奕迅（Eason）昨日在簽名會再度「寸嘴」，笑指叫囂的粉絲有病，又說個唱上只是「吹水唔抹嘴」而非患躁鬱症，斥欠幽默感的人才信以為真，揚言日後「噏乜」都不用當真，真係「臣」又係你，鬼又係你！

陳奕迅（Eason）昨日在屯門V city舉行簽唱會，吸引過百粉絲支持，Eason又與粉絲玩遊戲送禮物，簽名時更幫小粉絲畫耳環，同場又有「迅徒」手持他25場個唱的票尾求合照，不過最怕被「暫亂歌柄」的他，疑不滿熱情粉絲大聲叫喊阻他發言，笑住「寸寸貢」問：「使唔使介紹我個醫生畀你呀？」

測試大家幽默感

放完假的Eason明顯心情大好，提到有報道指他早前飛往英國治療躁鬱症，Eason就立即「吹神」上身說：「我講吓笑啫，我都冇病，荷包乾硬化就真呀！」他強調英國之行與治病無關，又說：「我搞Gag啫，第時我再講你哋都唔好信，冇幽默感嘅人先會覺得我有病。」談到好友容祖兒早前不滿他在個唱上鬧觀眾，Eason解釋：「我都冇鬧，係反諷！」

Eason早前上載了一張與林子祥（阿Lam）的「互掐照」，更留言「死對頭」，他笑說：「係阿Lam叫我掐佢嘅，其實我係試緊大家有冇幽默感。」他表示雖然沒看《衝上雲霄Ⅱ》，但覺得兩首主題曲都唱得不錯，而自己那首當然是「唔差啦」！

[轉貼] Eason又寸叫囂粉絲