一位來自四川嘅哥哥粉絲，一場來到香港，尋晚走到星光大道屬於哥哥嘅星星地磚，打算砌一個蠟燭陣悼念一番。點知……
呢位「哥」粉影完相放上微博就閃人，並無清理埋現場先走，結果留低大量蠟漬，途人見到睇唔過眼，影低相之餘仲叫咗工作人員清理。
呢張相今朝開始喺網上瘋傳，網民同「哥迷」梗係鬧爆呢位事主，並且迅速用微博起底，搵到呢位事主。好在佢都態度良好，喺微博承認無心之失，話唔知道蠟燭會漏出嚟，仲話自己帶住酒精去清理，不過已經有工作人員圍起嚟，話表示好抱歉。而佢見事態嚴重，已經刪走相關博文。而有去過現場嘅網民就話星光大道管理公司已經圍起咗呢塊哥哥嘅階磚，但就見到清理過後星星位置已經刮花咗。
唉，過兩個禮拜就係哥哥生日先搞單咁嘢，自律啲啦！
Yahoo! 娛樂圈
[轉貼] 內地粉絲星光大道為悼念哥哥有心思變破壞 網民極速起底
沒有留言:
張貼留言