廣州店遭內地拍檔吞併 華星冰室敗北蝕埋招牌

廣州店遭內地拍檔吞併　 
華星冰室「敗北」蝕埋招牌 

■華星冰室股東文滌（右）及Eddie慨嘆，港商在內地開店，無論法制或道理均未能保障其權益。姜啟傑攝 

【本報訊】經營茶餐廳的翠華上市成為熱話，集團稱資金將用於內地增設分店。但同屬星級茶餐廳、由藝人開設的華星冰室，北上賺人仔的美夢竟變成噩夢。該店去年在廣州開設兩間分店，最終因內地拍檔剝削員工食宿、賬目不明等糾紛，演變成分家吞併，連招牌都蝕埋。 
記者：葉競科　姜啟傑 

主打八十年代情懷，以塑造多位樂壇巨星的唱片公司命名的華星冰室，在本港擁有三間分店，股東多數為演藝界人士，包括著名經理人文滌、跳舞組合EO2隊員Eddie等。去年7月在廣州自由閒（閒）名店城開設首間內地分店，他們一心想把香港茶餐廳文化帶到廣州，怎料處處碰壁。 

合夥人剝削員工 
■內地購置食材水準不穩，華星冰室要先將食材運來香港再送返廣州，成本大增。 

經一位姓何內地商人邀請合作的文滌表示，起初看好內地發展潛力嘗試在廣州開舖，「其實一開始合作已經有問題。以廚房裝修為例，佢自行搵西廚做顧問，格局完全唔適合轉數快嘅茶餐廳；店舖電線明明買足長度，但下次再嚟條電線離奇短咗，追問原因個個答唔知」。 
藝人東主Eddie續指，他們本想給予員工較佳食宿及薪酬待遇，但內地拍檔卻反對「唔使畀咁好嘅」，更擺明剝削員工，「安排瞓10個人、較寬敞嘅宿舍，監硬塞15個人；膳食講明要有肉，佢就菜炒菜」。就連維持香港本店食物質素，亦不容易。「香港店嘅食材由大陸運嚟，但當你親自去內地批發市場，竟然搵唔番呢啲貨。為咗令『黑松露炒蛋』等幾道招牌菜唔失色，竟要將食材運嚟香港再送返廣州，嘥錢嘥時間，相當諷刺」。 

內地拍檔認定茶餐廳「炒嚇蛋、淥嚇意粉，好容易」，未有正視食物質素問題，惹來內地網民劣評如潮。香港本店為補救商譽，輪流安排港人廚師長駐廣州，而為分擔薪金以至食材運送等成本，華星再於九月在廣州中華廣場增設分店，由港人大廚兼顧兩舖出品。然而揭發問題更多，文滌透露：「講明內地拍檔負責嘅費用，佢原來拖住冇畀，仲賴死要我哋負責部份。我哋覺得佢冇曬誠信，馬上撤走香港師傅及對佢哋嘅食材支援，內地法制無保障 

《蘋果》日前到廣州兩間「華星冰室」，舖面保留舊香港的特色裝修，不斷播放已故巨星張國榮的演唱片段。內地店長李小姐承認，廣州兩店已跟香港方面拆夥，但她引述老闆何先生說：「老闆同我哋講唔會執笠，會繼續以華星呢個名同菜式經營落去！」 
大陸分店遭「吞併」，文滌堅持在內地興訟追討，「喺大陸做生意，法例同道理永遠保障唔到你！家蝕少少錢斬纜，好過賺大錢時無你份！我只寄望同廣州店劃清界線後，唔好影響香港店」。

【蠱惑多多】 
中國執業律師吳志強指出，香港華星冰室可以在內地採取法律行動，迫令廣州華星冰室退股，但由於內地法無類似「禁制令」的法例，難以阻止該店營業，「法院考慮到推出禁制令，或引致工人失業、危及穩定，故此不會貿然行動」。 

港商常焦頭爛額 
他指追究重點，是雙方合作時制訂的合同或協議，有否詳細列出大家的權利和義務，以及如有違反時會作出甚麼安排，包括退股詳情及餐廳如何處理。法院會根據該份合同審理，若港方勝訟，始可申請強制執行法院判令。 
吳志強坦言，港商北上開店與內地拍檔爭拗，弄至焦頭爛額時有發生。「我們常說內地商人會做三本數簿，一本畀政府，一本畀港商，一本畀自己，肯定畀自己嗰本數目最準！所以港商北上開店，好多只用特許經營模式，避免入股，合約更由律師仔細制訂，保障權益」。 
《蘋果》記者

[轉貼] 廣州店遭內地拍檔吞併 華星冰室敗北蝕埋招牌