《兒童樂園》創辦人逝世

【明報專訊】上世紀50年代風靡一時嘅兒童讀物《兒童樂園》創辦人、插畫家羅冠樵（圖），噚日下晝5點幾喺安老院安詳逝世，享年94歲。

1918年出生嘅羅冠樵，中學時學習中國畫，1938年喺廣州市立美術專科學校畢業，主修西洋畫。1947年佢移居香港，並喺1953年創辦全港第一本彩色兒童讀物《兒童樂園》。

主張藝術教化社會

羅冠樵喺《兒童樂園》身兼主編及畫家，係香港早期嘅插畫家之一，漫畫作品風格清新，多以日常生活為主題，體現香港當時嘅文化同兒童喜好。佢主張用藝術教化社會，希望用童心改變社會，著名嘅漫畫專欄包括《小圓圓》及《西遊記故事新編》等。

除咗漫畫創作，羅冠樵一生致力推動國畫創作，佢嘅作品題材非常豐富，包括山水、人物、花鳥、動物及書法等，佢喺1999年獲藝術發展局頒發視覺藝術終身成就獎。

[轉貼] 《兒童樂園》創辦人逝世