半島酒店嘉麟樓奶黃月餅有唔少名人追捧，所以市面上出現唔少類似嘅奶黃月餅，但要數最似嘅就係「嘉麟金月」奶黃月餅，因為連個名都似埋。呢款月餅由「謎米網台」負責人創辦，喺佢旗下嘅「人民超市」有售，據講有部分人仲以為係嘉麟樓出品添。不過，「嘉麟金月」近兩日突然停售，負責人仲要上網解釋兼額外「賠償」，究竟發生乜事呢？
稱300箱意外報銷
一盒半島嘉麟樓月餅售價四百八十五元，但「嘉麟金月」就二百七十四元有交易，吸引唔少支持者買月餅券。不過，負責人前日喺網上話，因為運送月餅嘅貨車有交通意外，車上三百箱月餅報銷晒，另外二百箱都無車運送，承諾會退錢，仲可能額外賠償罐頭、魚蛋、雞翼等補數。嘩，照計月餅本身有硬盒包裝，好難撞到爛晒，除非係嚴重車禍啫，所以事件令網民議論紛紛。
半島酒店公關部回覆，話佢哋無出品過咩「嘉麟金月」月餅，由頭到尾只賣一款嘉麟樓月餅，到底會唔會採取法律行動告有關人士侵權，半島酒店就話未有咁嘅打算。
東方日報
[轉貼] 政情：「嘉麟金月」停售 惹侵權疑雲？
沒有留言:
張貼留言