死剩把口 Nokia感激iPhone 5c抄款

Apple向來是眾矢之的，iPhone 5s與iPhone 5c發布之後自然招來各界抽水。其中抽得最凶狠的竟然不是死敵三星，而是Nokia！Nokia表示「模仿是最高致意」，同時又向Apple講聲「多謝」，抽水抽得佢咁自戀真係非常少見。

也許今時今日Nokia電話的標誌真是夠多色揀，但其他品牌也為旗下機種推出多種顏色，又是否稱得上是抄襲呢？好明顯英國Nokia已經認定情況如是，雖未言明，但矛頭直指有齊綠、白、藍、粉紅、黃5色的iPhone 5c：被害妄想地覺得Apple模仿Nokia玩變色吸客，而且自戴高帽，多謝對家睇得起自己。

Apple並非首次為產品推出幾款顏色，但輪到iPhone 5c咁做就似乎特別矚目。例如小米都有表示「歡迎Apple來到多姿多采的世界」，甚至連麥當勞都特登貼一貼出前於美國推出的特別口味雞翼醬汁出嚟，向網民表示麥當勞都同樣好「出色」的。

[轉貼] 死剩把口 Nokia感激iPhone 5c抄款