Sam哥呻搵得幾十萬

【太陽報專訊】 《衝上雲霄Ⅱ》再度掀起機師熱，昨日「Sam哥」吳鎮宇一身機師Look現身航空公司的招募活動，更透露在內地忙於拍劇搵銀，無暇出席今晚大結局活動。而成為吸金王的「Cool魔」張智霖，則與舊經理人傳出不和。

張智霖（Chilam）因《衝上雲霄Ⅱ》成為吸金王，被指有望在短時間內可賺得8千萬元。拍檔「Sam哥」吳鎮宇昨日以機師Look出席香港航空的招募活動，坦言對此羨慕不已：「真係可喜可賀，我得幾十萬咋。我依家都要趕返內地拍劇，最快都要12月先可以返香港拍戲，如果出得好價錢，我梗係寧願留喺香港搵錢啦！」

被寸真心當老土

由於Sam哥已簽下內地電視劇合約，未能請假，所以今晚會缺席大結局活動，他對此感到遺憾，但表示計劃返港後請食飯補數。

至於剛簽約新經理人公司的Chilam突然傳出與舊經理人梁小姐不和，事緣對方於Chilam社交網留言：「真係，我對你真心一片，你當我XX…我對你好，你覺得我好老土…」Chilam將留言截圖，轉載到微博：「感謝澤東電影公司10年以來對我的評價，每一位回覆，每一段話，我刻骨銘心。」未幾又刪除相關的一切。記者昨日致電Chilam，他以短訊回覆：「Don't want to talk about it，thanks！」而梁小姐至截稿前仍未有回覆。

另外，Chilam前日下午與新東家老闆蕭定一現身銅鑼灣，且邊行邊談，未幾即駕駛價值約200萬元的新車絕塵s離去。

相關新聞

 Chilam否認為「6秒戲」不續約 

被要求刪除罵戰留言　踢走負能量 Chilam否認為「6秒戲」不續約

[轉貼] Sam哥呻搵得幾十萬