認識新朋友，特別係異性，開場白好重要！一開口就講啲又老套又悶嘅說話，可能會令人唔想再同你傾落去。你試諗吓，如果有人同你講：「你好熟口面，係咪之前見過？」你都會唔想理佢即刻走人啦！想唔odd地打開話題，可以試吓以下開場白：
1.「Hello！我叫XXX。」
只需要好casual、自然地介紹自己，唔需要太過花巧，已經能夠同對方開到話題。男生通常都好怕食檸檬，你先開口可以令氣氛無咁緊張，而且又可以顯示出你自信十足，有自信嘅女生係最吸引人！
2.問對方意見
Yes/No question唔係一個好嘅開場白，如果問佢意見，他就有理由繼續同你傾落去。例如你可以試吓問佢：「你覺得邊件衫襯我多啲呀？」雖然一開始咁問人好似有少少唐突，但男生會覺得你好勇，係一個直率嘅女生，而且咁問佢一定會記得你！
3.一班人傾偈
成班人傾偈無單對單咁緊張，對一個男生say hi，之後再同另一個講：「呢排點呀？」於是好自然就可以開始一齊傾偈。成班人傾偈可以令你同對方都感覺輕鬆啲，有講有笑，做返自己。
4.讚對方着得型
你在乎人哋點睇你，男生都一樣！如果有個女生讚自己着得型，呢位男生一定會記得嗰女生，而且仲會有好印象。佢心情好，自然會好願意繼續同你傾落去，所以話，無人係唔鍾意人哋讚嘅！
5.引對方發笑
男生鍾意幽默嘅女生，你可以同佢講：「失陪，我要打個電話先。我應承咗個friend當我遇到個超級靚仔時，要第一時間通知佢。」佢想唔記得你都唔得啦！
作者 CosmoGIRL! | Cosmo Girl
[轉貼] 打破沉悶的開場白 / 拍拖 / 認識女生 / 男生 / 吸引對方
沒有留言:
張貼留言